कौतुक डाफळे ठरला दुसऱ्यांदा लाल आखाडा केसरीचा मानकरी

कागल तालुका प्रतिनिधी ओंकार पोतदार

मुरगूड येथील लाल आखाडा व्यायाम मंडळाच्या वतीने जिल्हा आणि राष्ट्रीय तालीम संघाच्या मान्यतेने गोकुळ दूध संघाचे माजी अध्यक्ष रणजितसिंह पाटील यांच्या वाढदिवसानिमित्त आयोजित कुस्ती स्पर्धेत खुल्या गटात अंतिम कुस्तीत आंतरराष्ट्रीय मल्ल आणि शिवछत्रपती पुरस्कार विजेता मल्ल कौतुक डाफळे याने एकेरी पट, दुहेरी पट व भारंदाज डावावर शशिकांत बोंगाडेंवर ११-०१ अशा गुणांनी विजय मिळवत दुसऱ्यांदा लाल आखाडा केसरीचा बहुमान प्रचंड जनसमुदायाच्या साक्षीने पटकावला.
तसेच खुल्या गटात मंडलिक साई आखाड्याचा मल्ल रोहन रंडे याने विजय डोईफोडे (मंडलिक साई आखाडा) याच्यावर झोळी
व पट काढून चार गुण घेत तृतीय क्रमांक पटकावला

विविध वजनी गटामधील विजयी मल्ल पुढीलप्रमाणे:-

२५ किलो : शिवरुद्र चौगुले (एकोंडी), श्रेयस पुजारी (तळसंदे), सत्यजित निचिते (व्हनाळी).

३० किलो संदेश परीट ( खाटांगळे), शुभम जठार (बानगे), रितेश मगदूम (बानगे)

३५ किलो राजवर्धन पाटील ( नावली ), श्रेयश बोडके (दऱ्याचे वडगाव), साहिल फाटक (कोगे).

४२ किलो धनराज जमनिक (बानगे), प्रथमेश पाटील (बानगे), महेश पाटील (सिद्धनेर्ली).

५२ किलो विवेक पाटील (खांटागळे), तनवेश पाटील,
विश्वजीत गिरीबुवा (हुपरी).

६० किलो : मृणाल पाटील(बेले)
प्रणव मोरे (मुरगूड), सुशांत पाटील (म्हाकवे)

६१ किलो : विनायक रावण (वाघुर्डे), स्वप्नील इंदलकर (मुरगूड ), यश पाटील (वाशी).

६५ किलो : कुलदीप पाटील (राशिवडे), कर्णसिंह देसाई (भामटे), संतोष हिरुगडे (बानगे)

विजेत्यांना समरजित घाटगे, वीरेंद्र मंडलिक, रणजितसिंह पाटील, राजेखान जमादार, विश्वजित पाटील, पदमसिंह पाटील आदींच्या हस्ते बक्षिसे देऊन गौरविण्यात आले. यावेळी दीनानाथ सिंह, रणजितसिंह पाटील, वीरेंद्र मंडलिक, समरजित घाटगे यांनी मनोगत व्यक्त केले स्वागत व प्रास्ताविक संतोषकुमार वंडकर यांनी केले यावेळी बिद्री’चे उपाध्यक्ष विठ्ठल खोराटे, गोकुळ’चे संचालक नंदकुमार ढेंगे, शाहू साखर चे उपाध्यक्ष अमरसिंह घोरपडे, राजे विक्रमसिंह घाटगे बँकेचे अध्यक्ष एम पी पाटील, जिल्हा बँक संचालक अर्जुन आबिटकर, दत्तामामा खराडे, विश्वजीत पाटील,पद्मसिंह पाटील, दत्तामामा जाधव, पांडुरंग भाट, सुखदेव येरुडकर, पंडितराव केणे आदी प्रमुख उपस्थित होते यावेळी आभार युवराज सूर्यवंशी यांनी मानले.