शिरोळ : प्रतिनिधी
देशभक्त रत्नाप्पाण्णा कुंभार पंचगंगा सहकारी साखर कारखाना गंगानगर इचलकरंजी या कारखान्याच्या संचालक मंडळाची निवडणूक बिनविरोध पार पडली. या निवडणूकीत सत्ताधारी पी.एम.पाटील गटाने बाजी मारली आहे. या संचालक मंडळाच्या निवडणूकीत हसुर ता. शिरोळ येथील ए.पी. पाटील सर्वोदय ग्रामीण सहकारी पतसंस्थेचे चेअरमन बाबासाहेब अण्णासाहेब पाटील यांची संचालकपदी बिनविरोध निवड झाली.
या निवडीमुळे हसुर, शिरटी परिसरात आनंदाचे वातावरण निर्माण झाले आहे. निवडीनंतर पाटील यांच्या समर्थकांनी फटाक्यांची आतिषबाजी व गुलालाची उधळण करत जल्लोष केला.
