शिरोळ : प्रतिनिधी
शिरोळची सुकन्या कु. शांभवी श्रीकांत माळकर हिने मार्च २०२६ मध्ये महाराष्ट्र राज्य माध्यमिक व उच्च माध्यमिक बोर्डाच्या वतीने घेण्यात आलेल्या इयत्ता १२ वीच्या परीक्षेत ६०० पैकी ५६४ म्हणजे तब्बल ९४% गुण प्राप्त करून कोल्हापूर विभागातील शिरोळ केंद्रात सर्वप्रथम येण्याचा बहुमान पटकावला.
इयत्ता १२ वी कला शाखेत शिकणाऱ्या कु. शांभवी माळकर हिने १० वी च्या परीक्षेतही ९६.४०% गुण मिळवून उत्तुंग यश संपादन केले होते. १२ वी परीक्षेत ९४% गुण प्राप्त करून प्रथम आलेल्या शांभवीला महाविद्यालयातील सर्व शिक्षक व प्राध्यापकांचे मार्गदर्शन लाभले.
या यशाबद्दल रोटरी क्लब ऑफ हेरिटेज सिटी, विजयसिंह शिक्षण प्रसारक मंडळ, शिवस्फुर्ती व्याख्यानमाला समिती ,राधा महिला सोशल फाउंडेशन ,स्व -परिवर्तन फाउंडेशन, व्हिजन आयडॉल्स करिअर & सेल्फ डेव्हलपमेंट अकॅडमी अशा शिरोळ व पंचक्रोशीतील अनेक सामाजिक व शैक्षणिक संस्थांनी कु. शांभवी माळकर हिचे विशेष अभिनंदन केले आहे.
कु. शांभवी ही सुप्रसिद्ध व्याख्याते ॲड. प्रा. श्रीकांत माळकर यांची सुकन्या व युवा वक्त्या प्रज्ञा माळकर यांची भगिनी असून महाराष्ट्रातील अनेक नामांकित राज्यस्तरीय वक्तृत्व स्पर्धेतही तिने उत्तुंग यश संपादन केले आहे.
