मलकापूर प्रतिनिधी:
ओकोली ते शाहुवाडी जाणाऱ्या रोडवर बटरफ्लाय शाळेचे समोर २ मोटार सायकल समोरासमोर धडकल्याने ३६ वर्षे युवकाचा मृत्यू झाला.पोलिसांकडून मिळालेल्या माहितीनुसार, शाहूवाडी तालुक्यातील ओकोली ते शाहुवाडी दरम्यान बटरफ्लाय शाळेच्या समोर रात्री ११ च्या सुमारास हा अपघात घडला. यामध्ये २ मोटार सायकलस्वार यांची समोरासमोर जोरात धडक झाल्याने, गाडी क्रं. एम. एच. ०९ डी. एच . ३७३६ शाईन विकास महिपती पाटील वय ३६ रा. मान ता. शाहूवाडी या तरुणाचा अपघातात मृत्यू झाला.
यावेळी निष्काळाजीपणे मोटार सायकल चालवल्याने (मोटरसायकल क्रमांक एम.एच. १२ ए.वाय. ५५१२ स्प्लेंडर) हा अपघात झाला व अनिल पाटील हा स्वतःही जखमी झाला. या घटनेची नोंद शाहुवाडी तालुका पोलीस ठाणे येथे झाली. गुन्ह्याचा तपास पोलीस आंबले यांच्या आदेशाने अमित पाटील हे करीत आहेत.
मलकापूर प्रतिनिधी रोहित पास्ते
