हातकणंगले तालुक्यातील तळसंदे येथील विश्ववारणा पब्लिक स्कूल अँड ज्युनिअर कॉलेज मध्ये राष्ट्रपिता महात्मा गांधी आणि लालबहादूर शास्त्री जयंती उत्साहात साजरी करण्यात आली. तसेच प्रशालेमध्ये दसरा महोत्सव मोठ्या उत्साहात व पारंपारिक पद्धतीने साजरा करण्यात आला.
लेझीम वाद्याच्या गजरात पाहुण्यांचे स्वागत करून दसरा सणाचे धार्मिक, सामाजिक व सांस्कृतिक महत्व विशद करण्यात आले. संस्थेचे अध्यक्ष कॅप्टन गणपतराव घोडके, संस्थेचे सचिव डी.पी.पाटील यांनी आपल्या मनोगतामधून विद्यार्थ्यांना दसरा विजयाचा संदेश आचरणात आणण्याचे आवाहन केले.विद्यार्थ्यांनीही आपल्या मनोगतातून दसऱ्याच्या परंपरा, संस्कार व प्रेरणादायी विचार मांडले.
यावेळी उपस्थित पालकांनी संस्थेच्या उपक्रमांचे कौतुक करत मुलांच्या सर्वांगीण विकासासाठी असे उपक्रम उपयुक्त असल्याचे मत व्यक्त केले.दसरा महोत्सवाच्या निमित्ताने विद्यालय परिसरात आनंदी व प्रेरणादायी वातावरण तयार झालं होतं.
यावेळी मुख्याध्यापक दीपक महाडिक,संचालिका डॉ.दीपिका महाडिक,संचालिका व्ही.डी.पाटील,श्रीराम करे,एस.डी. काळे,एल.एस.खोमणे,शिक्षक शिक्षकेतर कर्मचारी,विद्यार्थी आणि पालक उपस्थित होते.
