दुग्धतंत्रज्ञान क्षेत्रात उल्लेखनीय कार्य करणारे गोकुळ दूध संघ तसेच इंडियनडेअरी असोसिएशनचे संचालक डॉ. चेतन अरुण नरके यांची ‘भारतीय दुग्ध परिषद२०२६’ मध्ये चर्चासत्रातील वक्ते (पॅनल वक्ते) म्हणून निवडझाली आहे. २२ ते २४ एप्रिल २०२६ दरम्यान नवीदिल्ली येथे होणाऱ्या या आंतरराष्ट्रीय परिषदेत देश-विदेशातील तज्ज्ञ सहभागी होणारआहेत. या परिषदेत ब्लॉकचेन व उत्पादन तुकडी (लॉट) तंत्रज्ञानाच्या माध्यमातून दूधउत्पादनापासून ग्राहकांपर्यंतच्या संपूर्ण प्रक्रियेत पारदर्शकता, गुणवत्ताआणि विश्वास कसा निर्माण करता येईल, या महत्त्वपूर्ण विषयावरडॉ. नरके मार्गदर्शन करणार आहेत. डॉ.नरके आपल्या मार्गदर्शनातूनशेतकऱ्यांना दूध उत्पादन वाढवण्यासाठी आधुनिक तंत्रज्ञानाचा अवलंब, दुधाचादर्जा सुधारणा तसेच उत्पादन खर्च कमी करून अधिक नफा मिळवण्याचे मार्ग स्पष्ट करणारआहेत.या परिषदेमुळे शेतकरी व दूध उत्पादकांना उद्योगातील तज्ज्ञ आणि नामांकितकंपन्यांशी थेट संपर्क साधण्याची संधी मिळणार असून, आधुनिकपद्धतींचा अवलंब करून दुग्धव्यवसाय अधिक सक्षम व नफ्याचा करण्यासाठी दिशा मिळणारआहे. डॉ. नरके यांची ही निवड कोल्हापूरजिल्ह्यातील दूध उत्पादक क्षेत्रासाठी मानाचा तुरा ठरत असून, त्यांच्याया यशामुळे जिल्ह्याच्या दुग्ध क्षेत्राची प्रतिष्ठा अधिक उंचावली आहे. त्यांच्यामार्गदर्शनाचा देश-विदेशातील शेतकरी व दूध उत्पादकांना मोठ्या प्रमाणावर लाभ होणारअसल्याची अपेक्षा व्यक्त होत आहे.
