शिरोळ : प्रतिनिधी
अनुसूचित जाती आणि नवबौद्ध घटकांच्या विकासासाठी शिरोळ तालुक्यातील २० गावांना ५ कोटींचा निधी मंजूर झाल्याची माहिती आमदार डॉ. राजेंद्र पाटील यड्रावकर यांनी दिली. या निधीच्या माध्यमातून शिरोळ तालुक्यातील या घटकांचा सर्वांगीण विकास साधला जाणार आहे. आमदार यड्रावकर यांच्या नेतृत्वात शिरोळ तालुक्यातील अनेक विकासकामे सुरू आहेत, ज्यात कोट्यवधी रुपयांचा निधी उपलब्ध केला गेला आहे.
शिरोळ तालुक्यातील अनुसूचित जाती आणि नवबौद्ध घटकांच्या विकासासाठी आजपर्यंत कोट्यवधी रुपयांचा निधी उपलब्ध झाला आहे. यामध्ये रस्ते, गटर्स, सांस्कृतिक हॉल, विद्यार्थी विद्यार्थिनींसाठी वसतिगृह, अभ्यासिका हॉल, बौद्ध विहार, संविधान भवन, स्मशानभूमीचे सुशोभिकरण, संरक्षक भिंत, निवारा शेड, पेव्हींग ब्लॉक, शॉपिंग सेंटर अशा विविध विकासात्मक कामांसाठी निधी मंजूर करण्यात आला आहे.
या निधीचा उपयोग विविध प्रकल्पांसाठी केला जाणार आहे. शिरोळ तालुक्यातील २० गावांमध्ये नांदणी, अब्दुललाट, उदगांव, दत्तवाड, अर्जुनवाड, जैनापूर, दानोळी, आलास, यड्राव, शिरढोण, निमशिरगांव, शिरदवाड, बस्तवाड, हरोली, नवे दानवाड, कोथळी, टाकळीवाडी, कवठेगुलंद, शिरटी आणि संभाजीपूर या गावातील विकासकामे यामध्ये समाविष्ट आहेत.
यामध्ये रस्ते आणि गटर्सची कामे, सांस्कृतिक हॉलची बांधणी, सुशोभिकरण, अभ्यासिका हॉलची निर्मिती, बौद्ध विहार आणि संविधान भवनाची उभारणी, स्मशानभूमीचे सुशोभिकरण, संरक्षक भिंत, निवारा शेड, पेव्हींग ब्लॉक बसवणे, तसेच शॉपिंग सेंटर बांधणे यांसारखी कामे समाविष्ट आहेत. लवकरच या कामांची सुरुवात होणार आहे, ज्यामुळे गावांमध्ये विकासाच्या नव्या संधी निर्माण होणार आहेत.
