कोल्हापूर : भारतीय प्रजासत्ताक दिनानिमित्त गोकुळ प्रकल्प येथील कार्यस्थळावर संघाचे चेअरमन मा.श्री.अरुण गणपतराव डोंगळे यांच्या हस्ते राष्ट्रध्वजाचे ध्वजारोहण करण्यात आले. यावेळी श्री डोंगळे यांनी जिल्ह्यातील सर्व दूध उत्पादक, ग्राहक, वितरक व संघाचे अधिकारी,कर्मचारी यांना प्रजासत्ताक दिनाच्या शुभेच्छा दिल्या.
संघाचे ताराबाई पार्क येथील आवारात संचालक नंदकुमार ढेंगे यांच्या हस्ते ध्वजारोहण करणेत आले यावेळी संचालक सुजित मिणचेकर उपस्थित होते. तसेच जिल्ह्यातील विविध ठिकाणी असणा-या संघाच्या दूध शितकरण केंद्रावरही राष्ट्रध्वजाचे ध्वजारोहण करणेत आले.
गोगवे चिलिंग सेंटर संचालक कर्णसिंह गायकवाड, गडहिंग्लज चिलिंग सेंटर संचालक नविद मुश्रीफ, बिद्री चिलिंग सेंटर संचालक अभिजीत तायशेटे, शिरोळ चिलिंग सेंटर संचालक मुरलीधर जाधव, तावरेवाडी चिलिंग सेंटर संचालिका श्रीमती अंजना रेडेकर, महालक्ष्मी पशुखाद्य कारखाना कागल येथे संचालक बाबासाहेब चौगले, व मुडशिंगी येथील पशुखाद्य कारखाना येथे संचालक संभाजी पाटील यांच्या हस्ते करणेत आले.
यावेळी संघाचे संचालक प्रकाश पाटील, कार्यकारी संचालक योगेश गोडबोले, बोर्ड सेक्रेटरी प्रदीप पाटील, व्यवस्थापक-प्रशासन रामकृष्ण पाटील, सुरक्षा अधिकारी कुंडलिक कदम, तसेच इतर अधिकारी व कर्मचारी मोठया संख्येने उपस्थित होते.
