हातकणंगले नगरपंचायतीमध्ये सर्वसामान्य नागरिकांच्या मूलभूत प्रश्नांकडे होत असलेल्या दुर्लक्षाचा निषेध करत नगरसेवक सुभाष गोरे यांनी आज ठिय्या आंदोलन केले. नगरपंचायतीची मासिक बैठक संपल्यानंतर दुपारी एक वाजल्यापासून मुख्याधिकारी विशाल पाटील यांच्या केबिनसमोर ठिय्या देत त्यांनी प्रशासनाचे लक्ष वेधले. शहरातील पाणीपुरवठ्याच्या प्रश्नासह नागरिकांच्या मूलभूत सुविधांकडे प्रशासनाकडून होत असलेल्या दुर्लक्षाबाबत त्यांनी नाराजी व्यक्त केली. नागरिकांना नियमित आणि सुरळीत पाणीपुरवठा व्हावा, तसेच पाणीपुरवठ्याशी संबंधित …